Livia's Secret Stage

2014年4月20日

今日系last day, 晚上要出機場, 一定會好早, 見過鬼都怕黑

酒店只系住一晚, 今早check out

寄存行李之後就走佐去琴晚食宵夜噶地方解決早餐

我地揀佐呢間, 極度普通, 唔會推薦咯!

琴晚上網睇佐下酒店附近嘎景點, 原來酒店右手邊行就會到Chijmes 讚美廣場

讚美禮堂

日頭嚟會好, 畢竟可以見到原有建築物味道, 而且冇人流

晚上搖身一變會系酒吧, 餐廳, 夜晚嘎讚美廣場會系熱鬧, 白天嘎距系典雅, 恬靜

裏面有利苑咯, 不過好似未營業

唔同層次嘎綠, 就算冇花嘎點綴都好養眼

細緻又古典嘎樓梯, 好似置身於歐洲咁

正門嘎小型噴水柱, 感覺喺池會靚好多

教堂入唔到,  而建築背後有樓梯, 落去之後系小空地, 姐系廣場?

媽咪對住太陽面容扭曲, 其實呢一日全日陰天, 一路行都有風, 系嚟新加坡幾日裏面最正噶一日

鐵門嘎灰色同身後嘎米白建築好夾

逗留佐20分鐘左右就走

跟住Google Map行到佐下一個目的地, 行10分鐘

St Andrew Cathedral 聖安德烈教堂

呢個又喺一個必到嘎景點, 雪白聖神嘎教堂, 

今日系星期日, 到處都系人, 教堂裏面太多人做禮拜, 冇影相

我冇宗教信仰, 所以純粹嚟影下相, 見識見識

教堂對出有大片草地, 喺市中心黎講要有咁嘎空間, 唔易

新加坡咁常落雨, 建築顏色又唔見變舊, 保養方面應該落佐唔少功夫

媽咪對教堂實在唔多咁興趣, 見到就算

佛寺啱距咯~唔同路線

時間好早, 基本要行嘎都行佐, 聖陶沙沙灘冇去, 唔死心,所以決定再入聖陶沙

時間系12點幾, 晚上凌晨1點幾機, 我地大把時間

所以回去Vivo City 行下, 睇下有咩嘢買, 呢個mall勁大, 行得舒服, 品牌都好集中

兜佐個mall一圈, 我買佐對拖鞋, 買米買佐set手鐲做手信(好似H&M咁)

嚟到頂樓室外, 呢度好窩心, 有BB池卑小朋友玩水, 而且超級大範圍, 又免費

身後已經系聖陶沙, 右手咁啱有麗星郵輪停泊

無啦啦見到無招牌, 唔餓嘎情況下我建議入內就餐, 媽咪一D都唔餓, 但好想入去坐呀我

因為見到客人2-3枱咋, 已經12點幾, 而且呢餐系喺市區最後一餐, 當然去環境好啦

話說呢幾日都系冇冷氣環境進食, 實在偉大

怕媽咪腸胃問題, 又話應該熱氣, 最痛, 我只系點佐麥片蝦,小份 24坡紙

一籠奶黃包, 一籠珍珠雞

呃.....呢位小姐話最痛, 但距都冇對麥片蝦手下留情

話食佐先算, 翻到HK再買藥食

終於到佐沙灘啦, 第一個去噶當然系最就腳架啦, Siloso Beach

我地即刻入鄉隨俗 剝鞋, 踏浪&沙

你睇呢位小姐幾開心, 第一距飽, 第二天氣陰陰地, 唔熱, 第三距鍾意大自然

呢次行程我全程有D湊小朋友feel

星期日, 好多"姐姐",同香港一鬼樣, 身邊迴響熟識又唔明嘎菲律賓話

喺呀, 復活節呀

系沙灘坐下之後就望最南端吊橋出發, 我地坐佐紫色嘎海灘導覽車

就同相一樣咁靚呀, 雖然幾迷你, 但系就省返腳骨力

又少少海風幾好呀, 唔會吹到個顛婆咁

發覺呢度冇飲水機咁, 但Garden By The Bay就隨處可見

小姐當我系距攝影師咯~要求多多, pose多多

4點幾左右, 出發去睇獅子爸爸, 路經摸不著頭腦嘎藝術裝飾, 嗯, 雖則讀過視覺藝術, 咁實在唔識欣賞

D馬克瓷貼D色好死殘, 冇保養

哇見到啦

話說媽咪話, 人地河邊果只好白架嘛, 呢只邋邋遢遢, 好心洗下距啦

笑爆啦, 人地本身系咁色嘛, 有層次嘎舊舊地, 幾有風味呀

進入小朋友為之瘋狂嘎糖果世界, 我地都依然買唔落手

然後走佐去聖陶沙嘎賭場, 都系咁話啦, 冇賭命, 輸佐20坡紙咯! 當見識下

5點幾要入城嚕, 大排長龍, 大家都可能出去穩食

消暑嘎大風扇, 有牛牛logo

7點幾到機場, 今次認真超早, 禁區嘎迷你花園

Scoot 酷航系新加坡第二航廈, 我地坐MRT到達, 武吉士到機場只需要3.2坡紙

原來即場提早Check In入禁區每個人只需多卑5坡紙就OK, 我地梗系拿拿霖卑錢啦

因為根本冇地方坐, 禁區又可以行下, 食埋晚餐

傳說中嘎斑蘭蛋糕專門店, 我冇訂, 轉頭再買啦, 有散賣嘎, 點知已經身無分文

所有用剩嘎新加坡紙已經全數幫Winnie買曬M&M紀念品

只有幾蚊食佐個好難吃嘎海南雞飯, 就系呢一層, 買佐個2蚊嘎麥當勞包上機做後備,哈哈

之後就霖住去穩閘口啦, 哇, 卑我媽咪見到按摩器, 就拉住我話免費一定要用

結果我地就卑部機按摩佐個小腿成個鐘, 媽咪爽曬, 一面滿足

我就幾尷尬, 因為好多路過噶人望住, 出境嘎人都會經過,

亦都有經過就系我地班機嘎HK人, 哈哈!

酷航好準時卑大家登機, 好準時起飛, 仲要早佐到達HK, 卑100分呀

我地嘎座位只系加40幾蚊揀位(坐得比較前), 位置真系虎航嘎一倍, 大機又穩陣, 膝頭哥前尚有幾多空間

媽咪都話呢部機高級好多, 座位都好新凈添!

2014新加坡自由行 母女檔5日4夜圓滿結束~恭喜曬!