Livia's Secret Stage

點解冇啦啦去南丫島? 因為無聊咯, 又好耐冇去過離島~

結果呢一日就同個傻婆喺幾乎即興之下,冇做資料收集就踏上南丫島

報應啦, 馬上行錯路, 去咗人地d村裡面, 我地喺榕樹灣碼頭落嘎

結果返轉頭, 坐系天后廟隔離個亭度, 當喺休息之餘睇下d人點行

一路走過特色cafe同餐廳都冇影相, 一來喺因為要吹水, 2來好熱冇心思話影相,

之後決定坐底食碗豆腐花, 呢個moment先知道, 不如影相, 哈哈

叫價10蚊, 唔滑嘎, 不過分量幾夠, 我地喺沙灘隔離食嘎, 去沙灘嘎人流唔多,

所以都算坐得ok, 唔會吵吵閉, 不過我地真係攰, 雖說唔系山路, 但係路窄兼又上又落

唔鬼知咩廠啊~反正話南丫島3枝香咯

游水對住呢個景又真係大煞風景嘎, 感覺喺浸浸廠排出嚟嘎處理水

泳客明顯比市區嘎沙灘少勁多, 不過都好多外籍人士only enjoy sunshine

嚟到呢度影返張相

經過沙灘, 噩夢開始

唔對路, 不過冇得返轉頭, 原來系行山路,

我地喺唔想行山嘎情況下, 行咗一個又一個斜坡

我地原意其實喺閒逛, 由榕樹灣碼頭入, 另一個碼頭出嘎, 只喺知地圖系一條路

點解!!!!!!呢一大段喺山路, 而且我地并未lunch, 霖住去到走嘎碼頭附近先食個下午茶

呢次抵死啦, 冇睇資料, 仲要最熱最熱嘎時間行, 1點開始, 唔中暑真係好彩

呢度已經喺最高點, 再前面少少就會有個小亭, 我地喺度坐咗一陣, 補充下水份就繼續前行落山

哎, 最熱, 太陽最毒嘎時候先嚟行山, 感覺就算搽咗防曬, 都會黑少少咯, 真係好曬啊~

行到呢邊呢個亭,其實已經接近尾聲, 我地可以去索罟灣附近嘎食肆醫肚啦

所以我地冇落去休息, 加上系樓梯, 休息完仲要我行樓梯上返條路走, 唔系咁傻啊嘛

感覺呢邊比較多樹蔭, 會舒服dd, 不過其實呢一日真係冇風

首先忽略曬食肆先, 先去睇船嘎班次, 發現班次真係好鬼疏咯

張小姐強烈要求要坐遲一班, 姐喺5點35分嘎船, 話可以慢慢食lo 

揀咗一間西式嘎, 好似喺唯一嘎

張小姐嘎咖喱牛腩飯, 我覺得冇咩咖喱味, 不過牛腩真係好正

我嘎德國腸拼燒雞扒茄汁意粉

個汁做得唔好, 冇番茄味, 太甜, 雞扒同德國腸都好食

就係咁我地對住個泥潭+山景一邊食一邊吹水

食完就繼續吹水, 5點3個字就行去碼頭等船

船上合照一下, 紀念今日白癡之旅

點解要行山

好啦~我地已經計劃秋天去長洲