Livia's Secret Stage

越靠近上機嘎日子, 越唔知道點算, 唔知點去適應, 唔知未來

所以越係唔想留係屋企, 除非做瑜伽, 所以依舊幾乎每日早上跑步

跟住就係盡量外出行街, 記住香港事物, 見我想見嘎

無約嘎就係已經遺忘我嘎, 既然如此就由得距, 關係呢回事, 唔係我可以強求

我真係好鐘意hk, 呢度改變我好多, 儘管距宜家有變化, 

但我覺得唔係話有危就有機咩?

呢段時間發生咗一件事, 令到我同媽咪關係唔好

其實單身無罪咯, 點解要逼我, 要質疑我

我已經好配合, 其他身為子女嘎都未必好似我咁配合

哎~一個人最怕就係以為為對方好, 但其實根本冇企係對方立場

_____________________________________________________

25號約張小姐去下午茶, 係去北角嘎祥發, 好有回憶嘎店, 

除咗回憶呢度食物平民價錢同款式但就做得好好, 唔hea做, menu多選擇到怕

最後嚟到CWB繼續食, 特登揀呢間係維園隔離嘎大Pacific Coffee

地點好, 裝修型, 位置闊, 座位多, 講曬, 好多後生係度做project架, 唔算好吵嘎

主要嚟呢度係因為之前係INS見到有人po話距地個窩夫好平又大份

哈哈, 聰明, 幸好有嚟, 質素好, 真係夠2個女仔食, 個小雪糕都唔係hea

好濃郁, 好絲滑, 距仲有另外一個味, 不過我哋就揀呢個, 吹到天黑我哋先捨得走

3月27, 最後一次去做指甲啦, 呢一次加咗價, 不過之後都冇機會

係美國無論facial呀, 美甲呀都好似比較高消費而且普通有嘎又感覺信唔過

今日著得好素, 不過Tiffany話好睇,仲問條裙係邊買, 呢款簡單但容易襯 

其實系之前係旺中買嘎廉價嘢, 記得30幾40蚊咋, 2邊有袋, 好casual下

臨走前終於約到Winnie啦, 距老公都有嚟一齊食, 好開心咯

不過收到利是真係意料之外, 仲非常唔好意思, 距地好有心呀

買咗Tiffany嘎鎖匙圈卑我, 又講咗好多勉勵我嘎說話, 真係好想喊

用餐過程愉快, 我食咗好多嘢咯, 呢成日外食, 好彩體重數字冇乜變化

出發到USA前2日, 呢排好hit紫薯嘢, 求其買返杯新地試下

其實真係好食過綠茶, 呢個薯香味重, 又係我鐘意嘎紫色, 哈哈

29號晚, 聽日就飛啦

一家3口去咗食鼎泰豐, 你話真係好好食, 好食到全世界有分店

我又唔覺得咯, 或者真係一年不如一年, 反而右下角嘎雞有驚喜

上嘎時候熱辣辣, 稍微炸過嘎雞肉保留裡面嘎肉汁, 跟住外面依附住啱啱好嘎汁

好開胃醒神, 夠酸!

好彩琴日有做online check in, 都幾多人

行李好似好多, 其實都唔係姐每人2件check in行李

每人可以拉一個行李, 我都係一個之嘛, 細佬都冇隨身行李

我覺得細心咗, 可能航空都競爭大, menu有得預先睇

嘢飲都幾多選擇, 全程機發現幾乎由頭食到落尾

第一餐, 都冇食慾架, 翠華食飽咗嘛

之後有 蘋果仔啦, 有迷你ham cheese Sandwich啦

又再有早餐, 就係咁係幾乎冇訓過嘎情況下我哋安全入境美國