Livia's Secret Stage

一切都係由落機前開始, LA行程緊湊, 所以好多嘢都要抓緊時間

落機之後就搭免費巴士去地鐵站跟住就去inn check in

出埋地鐵站天氣好卑面呀, 非常靚仔, 是日我哋係買one day pass, 隨便喪搭都冇問題

呢次住2晚, 100蚊美金一晚, 雖然唔會好似星級酒店咁華麗

但係外面睇好有特色, 窮遊就要有好心態, 哈哈

預咗未有房所以事前查好隔離有泰菜食又夠平

我就覺得麻麻地啦味道, 不過就真係泰國人開&裝修都好有泰味

房里啦, 廁所好舊, 不過好滿意間房比預想嘎大好多, 而且有露台,又有早餐

之後我哋又趕行程搭巴士去Venice Beach and Santa Monica Beach

景真係正到冇朋友, 就係凍同風太顛

呢個月份嚟都已經咁多人可想而知summer會幾咁熱鬧,

跟住我哋都有去睇過街頭籃球場, 少失望, 因為好多屎波人, 大叔嘎, 哈哈

步行到Santa Monica係好唔理智嘎選擇, 冇計, 冇車冇錢唯有靠腳

行到已經係睇日落啦~

好啦, 都係時候要走啦, 要去食傳說又平又好食嘎美式快餐

日落黃昏, 漸變嘎顏色配棕櫚樹

加州先有分店, 經常高朋滿座嘎IN & OUT令我好失望, 又話幾好幾好食

薯條冇薯味, 又干又幼, 漢堡包又干料又干, 肉質鞋死啦, 味道更加冇

奶昔太稠太甜, 完全唔可以用飲管因為吸唔上, 哎~點解可以差咁遠

當自己飽咗就算, 連hk嘎M記求其都好食過距, 好掛住板燒雞腿漢堡咯

呢個劇院一定必嚟, 避開人流&太陽最佳時機就係8點幾之後, 

我真係唔好睇電影, 全部都唔識, 就認得呢個姐, 係咁大把啦

隔離仲有呢個廣場, 雖然唔知日頭會係點, 但我覺得晚上影會靚d咯

距設計好好, 商場走廊係室外, 好開陽, 都可以見到d建築物

Day Two 開始, 旅館嘎早餐係隔離係小店, 自己可以做waffle

有炒蛋呀, 腸仔, coffee, soft drink等隨便食

本來要住多一晚, 點知細佬要去睇NBA嘎關係, 今晚就要坐通宵巴士去三藩市啦

攰就攰d, 不過可以少一晚房錢又可以早咗到三藩市又可以睇到場波, 值得!

上網資料話呢度免費之餘又有無敵靚景, 所以交通不便都嚟

Getty Center 裡面有中文導覽機同地圖指南

空中花園, 纜車上山, 高挑廣場

LA景色都係一覽無遺

好犀利, 讚歎!

跟住我哋就決定去小東京醫肚, 我哋會盡量唔食炸嘢, 費事起暗瘡又上火

呢度的確係迷你東京, 有動漫店, 有日式超市, 有日式麵包鋪, 當然唔少得日本餐廳

有平有貴, 豐儉由人嘎日式餐廳

麻麻地好食, 不過夠健康

lunch后要挑戰上天文台, 冇巴士, 決定行上去

同細佬都覺得自己好叻叻, 行上嚟咯, 沿途經過高尚住宅區, 四下無人

又自己靠Google穩山路上, 山路都係冇人煙, 我哋終於到啦

見到好多歐美電影會出現嘎字樣 HOLLYWOOD

呢度望落去比藝術館望落去視野更加遼闊, 而且遊客多好多

建築物好得意, 好似城堡

見唔到身後嘎HOLLYWOOD添, 哈哈

好靚號值得推薦嘎一個必到景點, 幾多影相位, 睇日落又寫意浪漫

裡面係天文台一d嘢可以參觀, 相就唔放啦

晚上就係呢度搭Blot Bus又LA坐車到San Francisco

位置係一間Night Club門前, 我哋幾怕穩錯, 因為完全冇任何指示

幸好我哋問到附近嘎唐人餐館咋, 後來又遇到一齊等車嘎印度人

我哋吹吹下水就成個鐘, 最後平安上車, 天光我哋就會到三藩市啦