今日比較犀利, 要挑戰下踩單車, 會吃力會少少趕
早餐要行一段幾乎半個鐘路程(我哋所有餐廳都係根據tripadvisor排行榜穩嘎)
早上趕返工嘎男人, 好似d美國電影畫面
經過唐人街, HK味?哈哈
真係店面細細坐滿人, 我哋要等下位先可以入座, 事前想點無敵多生果嘎招牌早餐,
不過霖到今日要消耗好多體力, 就揀個感覺多主食d嘎咯(結果我薯餅食唔曬, 實在太大份),
細佬個有蟹肉, 好矜貴, 味道都好好
食飽之後我哋好隨性揀咗一間價錢唔貴嘎單車鋪租咗一日單車
糊里糊塗, 跟下其他遊客踩下踩下就嚟到呢片草地, 見到我哋即將征服嘎金門大橋
我嘎座駕係咪好襯我件衫呢, 我件衫係咪好襯個天呢
外套就係琴日outlet購入嘎Columbia, 我要嚟擋太陽, 擋風同焗汗, 哈哈
跟住跟住要嚟呢個景點, 之前做功課就見到人地嘎相好靚
宜家親身見到就係震撼, 柱好巨型, 建築物好高, 雖然唔係新凈
但係就係有dd瑕疵先完美, 個感覺比較唯美
湖嘎呢一個角度好靚, 點影都好靚, 索性全景
唔講覺得自己身處歐洲呀
細佬影相開始有進步, 終於影得我唔會好矮(我本來就矮)
好快就踩到沙灘, 紅色嘎橋離我哋越嚟越近
踩咗幾個長命斜我哋終於可以踩過大橋啦
雖然烈日當空, 但係真係好多人步行或者好似我哋咁踩單車過呀
天氣真係好好, 水嘎顏色變得好靚, 冇得彈
右邊就係我哋之前經過嘎路呀, 除咗外套之後發現成手臂都係汗水, 一滴滴嘎,爽
之後我哋就落斜波,到達Sausalito, 一個小區, 遊客多
好似長洲咁嘎, 係Starbucks買杯凍嘢飲獎勵自己
時間關係, 我哋lunch都冇食就直接返轉頭
推住部單車上大斜波異常辛苦又要鬼咁大風
好顛咁為咗到此一遊我哋不停係Google Map穩路去目的地, 單車又要推上80度斜波
真係少d毅力都唔得, 如果我哋平時有做開運動就唔使咁啦
金門公園 好大, 應該有10幾個維園咁大, 又多樹, 雕塑/特色嘢都幾多
我哋只喺有時間兜咗右上角嘎一小部分, 有個日本花園因為太遲已經關門
呢個講台對開有個大型square, 好多櫈可以坐
之後我哋就要係晚上7點前還車跟住去食pizza
雖然唔係週末, 不過真係好多人呀, 裡面唔知係咪因為多香料味混合一齊
所以有少少味道, 不過可以接受
之後因為餓唔想曬時間等枱, 所以我哋決定坐bar枱, 最後呢個決定係明智嘎
bar枱可以睇電視, bar枱有個男職員高大幾靚仔, 好熱心介紹我哋食邊款pizza
詳細之餘食緊嘎時候問係咪啱胃口, pasta都會介紹
呢餐食得好滿意, 而且絕對比hk平, 裡面氣氛都好好,
pizza到咗之後就覺得唔夠食, 跟住點個咩咩腸嘎意粉啦, 點知好大份
少少辣, 醬就預咗會滯滯地, 食到最後勁飽真係夾硬食埋距,唔好曬嘛
_____________________________________________________________________________
早餐係旅館叮咗d嘢食&飲咗奶就出門, 出發去監獄
半個鐘路程就到達碼頭, 見到2艘專門接載船, 哇~等下就可以上船啦, 風和日麗嘎一日呀
呢個應該係監獄島嘎模型啦
每艘船都係裝滿滿嘎客, 我哋落船, 已經有一批等住走嘎
島上面好多建築都係見到殘破不堪, 裡面已經好多海鷗, 生滿花花草草
我覺得反而幾又美感, 好似MV裡面嘎畫面
我哋入咗main果part, 有中文導覽器, 我覺得幾好, 唔會miss point, 而且容易明白
發覺幾多地方係唔開放卑遊客, 所以見到地圖好大都冇用
好快我哋就離開啦
跟住我哋就去Ferry Building, 都係趕唔切參觀個farmer market
唯有過對面解決lunch, 之後返回building裡面行下
裡面唔大, 好快可以行曬, 見到有好多人排隊嘎雪糕店我就都排啦
排隊嘎果真都唔會中伏咯, 哈哈, 非常好食, 我揀咗士多卑利&花生味
2個都好濃郁, 奶好濃, 口感順滑, 真係一個好好嘎飯後甜品咯
呢度咁出名, 唔使講一定係必到比影嘎景點 九曲花街啦
哪, 講真, 呢度有航拍就一流啦, 因為我神棍就算伸幾高就影唔出距幾9曲咯
唔係講笑, 真係好多遊客特登揸車行下, 好多乘客仲拍video
日日咁多人慕名而嚟, 呢條街嘎住戶真係宅心仁厚, 哈哈
今日又係拖住疲累嘎身軀完成行程, 值得嘎
上嚟呢度, 冇車要步行真係需要好大勇氣
為咗獎勵自己又霖唔到食咩好,我哋又再次光臨係Union Square附近廉價餐廳
不過我冇再叫牛扒, 叫咗雞, 都一樣好味, 只要汁好食食物自然好食
_____________________________________________________________________________
是日last day係三藩市, 晚上飛返西雅圖, 今日要坐叮叮車
哎, 價錢真係無敵貴, 突然覺得hk嘎叮叮車實在親民呀
不過必搭啦, 買單程就好, 影下相過下癮
Yeah~我哋出發到漁人碼頭
呢度好多shops為遊客而設, 好多好繽紛, 設計都幾得意
呢度有海獅, 唔怕有異味就嚟探下距地啦 ps 呢度無敵大風, 吹到本小姐頭都痛
標誌性嘎大蟹
呢度出名食海鮮, 周打湯, 龍蝦三明治, 蟹肉三明治, 我哋都冇食
一個包已經近10蚊啦, 而且唔係餐廳舒舒服服, 冇服務員, 連櫈都冇
後來我哋睇完海獅之後就決定食呢間算多人食又唔貴裝修幾海灘feel嘎鬼佬餐廳
有pizza啦, 魷魚圈啦, BBQ豬仔骨, 2條友食其實好多, 因為個魷魚圈份量太大
豬仔骨真係好好食, 好似9蚊幾10蚊
之後我哋冇買紀念品/手信, 直接hea上機, 第一次咁乖, 乜鬼都唔買
就係係outlet買咗dd嘢, 呢次旅程最大支出係食同交通咯
不過我哋都係洗美國親戚卑我哋嘎利是作為資金來源, 可以叫做free咯, 哈哈