Livia's Secret Stage

話說呢個曼谷行我都失望, 好無聊, 應該去華欣呀,芭提雅呀, 加入埋行程會豐富d

身體得到放鬆之後我地就去好有0卓頭嘎Terminal 21商場, 機場航廈做主題啵

商場就係鏈接BTS出口, 好方便, 不過一入到嚟, 感覺光線唔夠, 好暗嘎感覺咯, 而且有異味

記得呢個商場話開咗冇耐, 唔明點解卑我感覺好舊, 唔識點形容, 喺一種感覺, 走道好窄

唔知係咪店與店之間好密, 而且店嘎空間好細, 我覺得行起身好有壓迫咁, 好似喺旺中行咁, 但明明呢個喺大型商場咯

之後我地去晚餐, 都係食泰菜, 辣死都要食, 哈哈

呢一次喺嚟到位於T21後方嘎

聽聞話食飯時間經常排隊, 但係呢一日我地差唔多7點先到有唔算多人啵

不過真係唔認真做功課好容易miss咗穩唔到, 其實就系BigMama Pizza隔離姐

環境幾舒服, 樓底夠高(其實對我而言只要樓底高我就覺得舒服, 冇壓迫感),

小小嘎蠟燭燈真係幾靚(自己公司日日都賣緊呢d嘢, 哈哈)

其實未餓架, 所以慢慢睇下食咩(自己唔系上網睇曬comment咩)

好滿意曼谷餐廳嘎上菜, 唔算快, 不過絕對唔會食完一道先上一道, 喺一道道陸續上,

好新鮮嘎蝦刺身, 一定喺好過煮熟咁食, 尤其配埋距地嘎辣醬呀, 天衣無縫

綠咖喱雞, 好食, 雖然雞肉分量不多, 但係接受到, 而且個汁好好送飯, 唔會得個辣字

喺真係有咖喱香, 唔系甜果type, 雞肉呢好似喺雞胸, 唔滑, 我唔介意啊, 反正健康d

乜乜炒軟殼蟹?? 妖~d人又話好食, 簡直中伏, 冇蟹味,又冇肉咁, 妖落去成口炸粉咁

得個咸字, 仲有啊, 好鬼油咯, 呢碟嘢唔平架, 我寧願食其他

呢碟通菜經我地mention過之後真係少油d咯, 好好食, 味道啱啱好, 唔會過咸

成碟幾乎我清曬, 好食過建興嘎多多聲, 而且人地喺熱嘎, 唔系暖嘎, 

大蝦粉絲煲, 個粉絲好掂,好入味, 而且粉絲乾濕做到啱啱好, 唔會爛到夾唔起,

唔會干到硬住一條, 粉絲剛好黏住少少汁, 好惹味, 不過都係一樣啦, 好似建興嘎熟蝦一樣,

好鞋口咯, 喺就真係好大隻嘎, 好似老得滯咁, 感覺喺品質問題, 唔系廚師問題

我呢餐飽到上心口, 幾乎上到喉嚨咁滯, 哈哈, 抱住個肚走

然後我要慢慢慢慢行返T21搭BTS返Central World, 好彩行到BTS真係消化dd

個肚冇咁漲, 真係霖返都笑死, 人出錢我出命咁去食

以為咁樣就會放過自己? 唔系咯, 翻到Chit Lom之後我地直接去食甜品

上到Central World 7樓, 估唔到閑日嘎晚上9點幾都好多人排隊, 更加非食不可啦

等!等!等!等! 終於有位坐啦, 個肚都終於有位食甜品啦!!!

事情是咁的, 我地喺門口等位嘎時候已經揀好食咩, 知道去Cashier order卑錢就ok,

但係因為太旺場嘎關係, 我點嘎千層蛋糕冇曬, 連其他味都冇, 所以細佬幫我點咗個咩香蕉蛋糕

真係好傷心, 我細佬唔肥, 但係好食得, 而且唔似一般男嘎唔鐘意食甜品, 距喺鐘意咯

order之後會即刻放上餐具, 店內有自助式免費凍花茶, 我當然會飲啦

真係好香, 唔會系好甜, dd咁咯, 可以中和下甜品嘎甜

個唔知咩香蕉蛋糕, 其實好好食, 真係有一玖玖香蕉喺裡面, 所以好濃郁香味, 

要快手食, 你睇下, 唔系香蕉就會氧化變黑黑地

細佬點嘎好似布丁咁嘎藍莓XX, 有個名, 我忘記了, 距仲話知道點整, 哎, 西式甜品距真係叻過我

因為距喺馬會做過PT, 裡面甜品師傅成日整好嘢距食, 食到把口刁曬, 不過距都滿意呢個

類似喺士多啤梨milk shake咯, 唔系我嘎, 喺細佬嘎

距咗癡線, 食2樣, 話甜品同飲品唔關事, 所以要食2樣, 嗯, 都係甜嘎咯

因為食唔到本來要食嘎蛋糕, 所以決定Day Four早d再嚟食過

返到酒店其實都攰, 不過仲有嘢搞, 首先Big C有好多芒果乾, 唔知邊款好食

我地又冇做功課, 隨便買之下咪中伏咯, 死蠢, 難食咯, 都唔知咩口感, 千奇唔好買

因為第二朝一早就要換酒店, 去對面靚靚嘎洲際, 一方面又join咗mama tour,

所以要執行李, 又要早訓, 根本喺不可能嘎任務嘛, 所以都係夜一夜先就寢

__________________________________________________

Day Three start from mama noodle, haha~ we must have a quick breakfast

then we can check out and contact with the driver of tour

杯麵唔會唔好食, 唔知係咪早得滯味覺未開呢, 不過真係無敵平咯, 3個杯麵唔算大, 不過我地食唔曬

順順利利等到司機上車, 其實只不過喺7點零5分或者8分, 咁準確喺因為司機好準時7點就pick up我地

而只不過轉幾個彎就塞車咯, 咩事呀, 咁早都塞, 去機場咪死梗

接曬所有團友, 連埋我地一共7人, 一對韓國情侶, 一對中國籍情侶, 一個亞洲面孔後生仔

第一個景點竟然喺鐵路市場, 同本來嘎schedule有出入, 不過求其啦

嚟到已經差唔多9點, 呢個應該系火車站嘎時間表, 我地睇唔明, 根本唔知道火車幾時開

司機冇交低, 只喺話幾點集合, 自己自由發揮周圍行

火車基本同我之前睇電視見嘎一樣, 好簡陋, 個車站都好簡陋, 唔系咁多local人等車嘎話,

真係以為距已經退役咯, 呢個車站荒廢咯, 我地企企下,唔對路, 都唔知幾時開, 又好似快開咁, 都係行下先

左望就係火車, 右望就市場, 其實衫褲鞋襪, 日常小用品都有, 唔單單喺賣菜

而且呢一日都係好多好多人, 好熱鬧, 而且唔多覺有咩遊客

直行返出去大街, 呢邊喺露天嘎, 雖然我唔系港女, 十指不沾陽春水

但係見到咁多蔬菜真係冇幾多個up得出名咯, 衛生環境嘎話就唔使多講啦, 當自己喺大陸咯

我地無緣見到攤販執嘢, 所以要去集合上返車, 結果pk嘎喺, 大家上曬車出發嘎時候

司機大大聲喺度手指指話, 火車嚟啦, 妖, 玩嘢咩!!!!!!真係唔抵, 差少少

行嘎時候我急小便, 真係唔知自己點解個第六感咁強, 我真係穩到收錢嘎公廁

我地完全冇問人, 又唔識泰文, 真係覺得自己好犀利

起程前往下一景點, 其實都唔知係咪司機蕩失路, 真係坐咗無敵耐車先到水上市場

船喺冇頂, 我地又冇遮冇帽, 幾乎暴曬啊

司機就係停喺呢度等我地上船, 位置完全冇人, 好偏下

一直一直去, 以為係咪遲咗去, 所以唔熱鬧咯, 因為連其他觀光船鬼影都冇隻

個太陽真係對住嚟曬架, 後面嘎泡菜小姐有扇咯, 啱好一物二用

雖然靜又曬, 但見到幾特色嘎某幾間水上屋都ok嘎

開始見到泊埋岸嘎販賣船, 原來開始入正題啦

大大個牌匾, 我地到此一遊, 而且主要水道喺有瓦遮頭

好多切好嘎水果, 好多椰子雪糕,好多椰青,好多芒果糯米飯

除咗食之外, 就係好多專劏遊客錢嘎商人, 紀念品亂開價, 我地船嘎人全部冇興趣

呢part就係好多船逼下逼下嘎地方, 我地又會好似人地咁講唔知點樣逼下逼下又出得到去

好過癮咯, 你又推下我隻船, 我又推下你隻船, 喺一個號特別嘎體驗

你睇下後面幾多船, 呢位嬸嬸系度降價咯, 椰青好心就唔好亂開價啦

真係極度唔鐘意講價, 好似C奶咁, 下下計住計住有冇卑人昆錢

有商販會卑人摞住條蛇卑錢影相咯, 又冇view, 有咩好影呢

條蛇又唔靚, 多數遊客見到都係哇一下就算, 哈哈

雖然唔及JJ Market嘎多料, 但係30泰銖仲想點, 抵呀

薰衣草色嘎糯米飯真係好靚咯, 椰子味雪糕可惜椰味唔夠

我地上船之後以為按住行程就係自由活動,自己喺附近行, 點知司機要我地上車咯

去咗大象村騎大象!!! 騎嘎前一刻我拉住司機問,唔系會喺水上市場可以有時間行咩

距話會之後返轉頭去, 呢度趕時間d, 好啦, 咁就算你啦, 雖然人在異地, 我都唔要人呃我

上一個高高地嘎木臺, 之後上大象背, 好方便, 唔狼狽

其實都係體驗, 坐喺度都幾無聊, 畢竟環境唔系真嘎叢林嘛

大象行嘎都係石屎路咯, 至於臭味呢, 喺有嘎, 但忍受到

工作人員喪幫我地影相, 叫大象個鼻擺嚟擺去, 我地卑咗50泰銖小費

騎完出嚟先見到呢個welcome牌, 影相!!

跟住已經見到有旅遊巴士, 準備放d遊客入嚟, 司機算距啦, 早嚟喺明智嘎

回頭終於可以行下呢度, 不過可能只喺做早上, 中午12點幾好靜,  

岸上嘎切好水果大特價, 芒果糯米飯都係, 平到30泰銖有交易

我地就食咗個炒飯, 因為見到好似大排檔, 鑊氣夠, 上檯之後喺好食, 好香口, 而且唔貴嘛

我地呢個喺喺船上嘎人度買嘎, 起碼大份dd, 芒果唔系擺到黑嘎

價錢貴一倍咯, 行咗一下, 因為真係好少時間, 我地都冇買任何嘢就上車回程了

又係一個漫長嘎車程, 真係曬好多時間系車上面咯

之後就按照約定要司機喺大皇宮放低我地, 因為3點半就閉館, 所以要唔好遲

我地2點3個字就可以落車啦, 好好彩, 嚟到雖然依然人氣旺盛, 但冇毒辣嘎太陽

可以舒舒服服咁行, 裡面d建築好密集, 睇到眼花繚亂, 但真係好震撼

後來發現呢度好細, d大型建築全部擠在一起,

好似我咁只喺影下相, 到此一遊嘎話, 其實一個鐘都唔需要就走得, 但門票真係好貴

人肥就係衰, 破壞個美感, 哈哈

真係好宏偉嘎裝修呀

有個宮殿之類嘎要脫鞋入去, 我地嫌麻煩咯,冇做到

宜家發覺豬咗, 我地都卑咗咁貴門票, 點解唔入呢!!!

我地最後決定唔去臥佛寺, 因為唔想曬氣力行

出口出嚟左邊見到個好大嘎廣場, 同一座好大嘎宮殿之類, 行近見到應該喺守衛交接

就係呢個好大嘎建築物, 對開有個好大嘎area, 真係好靚, 西式得嚟又有d中東feel

其實我地坐車都坐攰了, 呢個建築物喺咩都唔知, 因為都冇入去, 又要爬樓梯

好熱又攰, 要嚟d醒神嘎凍飲, 雖然最貴但係都平過hk咯, 好味呀, 芒果芒果好香甜嘎芒果

坐呢度其實幾舒服如果唔熱嘎話, 太陽都幾乎落山啦, 下一個目的地喺碼頭夜市

跟住google map行好唔容易去到碼頭, 又喺唔清唔楚情況下上咗船, 都唔知去唔去夜市架

終於見到遠方嘎摩天輪, 對, 就係呢個方向, 但係我地冇跟行程指示, 去乜乜碼頭轉到免費船,

而喺呢架收費船直接坐去目的地, 感覺十分抱歉嘎喺, 我地2條友完全冇卑錢, 冇人查票, 

有個肥大嬸收錢嘎, 我地覺得都唔知係咪真係工作人員嚟嘎, 而且好多遊客都唔卑錢,

所以我地都跟住冇卑錢咯, 落船一刻都冇收錢, 所以我地可以話搭霸王船, 哎, 不良示範!

呢個就係好出名話咩必食嘎Mango Tango, 我地由於時間尚早, 只喺漫無目的地行, 就已經行到

呢間又係網絡流傳好好食好出名嘎傳統泰菜, 就係落船位置, 有河景, 白色建築, 真係好浪漫下, 

不過價錢就真係唔親民嘎, 都啱嘎遊客洗得起嘛, 但係我地已經一早book咗一間6折西餐廳啦

我地book咗6點準時入座, 好嘢, 我地包場, 用apps Eatigo有折, 實驗證明喺得嘎

而且食得好開心, 因為平嘛, 裝修唔稱得上豪華, 不過好有style, 都係啦, 我真係好鐘意樓底高

你睇, 樓底高就係氣勢唔同, 慢慢嘎酒, 簡單經典黑白設計

呢間餐廳同時好適合一大班人睇啵咯, 呢個枱距地拼到好長

首先抵讃嘎喺靚女侍應, 因為距見我地睇飲品揀嚟揀去都毫無頭緒

竟然好好咁遞咗張happy hour雞尾酒buy one get one free卑我地,

唔會因為我地已經有食物discount而收收埋埋, 跟住我就跟細佬點咗呢個

距話已經喺裡面酒精最少, 最容易接受, 點知道距地出手有少少重, 都幾濃下, 哈哈

睇咗好耐Menu

真係幾好飲嘎, 又平又舒服有質素好, 算喺呢個trip最滿意嘎一餐, 雖然唔系最平

我地梗系食牛扒啦, 我揀最貴嘎, 細佬點次一級嘎, 真係有分別, 我嘎入口鬆軟d,

好容易化, 細佬嘎就比較食到牛肉纖維, 有渣, 不過都好好食, 分量夠飽

呢個小食其實唔點都得, 因為原來個扒餐都夠飽, 熱辣辣好食好多咯, 點埋個sauce更加正

之後我地去甜品part, 走去Mango Tango, 其實名過於實咯對我而言, 連相都冇影啊

最後喺呢度嘎NaRaYa買咗個好大好大嘎行李袋, 冇蝴蝶嘎, 鐘意素d, 真係冇嘢吸引, 唯有買行李袋

拖住疲倦嘎身軀終於翻到酒店, 哇哇哇, 級別10倍上升啦, 同樣都係員工價, 呢度正好多呀

張床訓2個人都得啦, 房嘎空間大咗, 舒服好多呀, 果然喺貴一倍嘎房價

標準嘎大財團酒店風格 - 就係冇風格

好鐘意距地嘎香皂,洗頭水d香味, 好好聞, 所以好衰咁keep齊曬d距地d皂

___________________________________________________________

Day 4, Good Morning, 今日系Shopping Day

琴晚訓咗個好教, 今日由重新出發, 我地去食粉紅色果間雞飯呀, 係呀, 又雞飯, 哈哈

  今次喺17樓, 就酒店翻新, 洲際承繼, 所以好多嘢都好傳統酒店裝修

冇特色, 老土

呢一日終於買咗椰青飲, 之前都冇飲, 其實唔難飲, 但又唔好飲, 所以都係試過就算

勝在夠新鮮, 即買即開即飲

實在太平啦, 所以因唔住叫多碟雞胸, 人潮冇咁多啦, 因為都過咗返工時間, 又唔系週末

之後就到咗酒店嘎泳池, 我真係好耐好耐冇落過叫泳池呢個地方啦, 哈哈

時間早, 嚟到冇咩人, 有一個老豆陪3個小朋友玩水, 有多一個大叔

穩個位坐底冇耐就送上檸檬水&水果, 不過水果就好小家, 哈哈

好難先教到個位影起冇咁肥嘎腳, 哈哈

之後我地步行去Siam嘎Paragon食Lunch

身上現金所剩無幾, 哈哈~呢個好平, 都係泰國常見炒河粉, 分量多d就好啦

味道方面可能系完全local, 所以麻麻地, 哈哈~但好香咯炒得

之後就尋覓 AfterYou 分店, 因為要滿足之前食唔到千層蛋糕嘎心呀

因為時間啱好lunch, d人未食完正餐我地就食甜品, 錯開咗人流, 所以唔使等位呀

結果我都係食唔到香蕉味, 原味, 實在係咪癡線, 中午已經賣完, 其實係咪根本就冇賣嘎!!!

不過呢2個口味都幾好食, 朱古力嘎賣相好吸引呀, 2個甜品都唔會好甜, 唔會膩, 價錢都好相宜

香港呢個價錢只可以點碗高級dd嘎糖水, 精緻嘎蛋糕真係霖下好啦!

跟住呢, 其實已經冇嘢想行, 醒起旅遊書介紹呢個商場, 所以我嚟了

覺得呢d商場好似美國嘎shopping mall, 一模一樣嘎牌子系唔同嘎mall出現

極度無聊, 而且人流哈少, 冇氛圍, 大又點呢, 冇人氣

喺, 又見到Prada, 當然第一時間沖去睇下有咩半價靚袋啦, 結果都係之前系Siam睇嘎吸引

呢個View喺商場嘎特色, 我覺得宜家簡直失色

第一未見到咋, 已經有臭味, 有機會呢度出嚟嘎, 第二外墻變黃, 因為可能有植物啦

姐系水會接觸到泥土, 就會邋遢, 就會有機會生綠色嘎青苔, 好惡心咯

呢棟嘢好靚, 呢個商場同時有一個吸引我嘎系空中花園, 所以就去見識下

啱啱好下午有少少陽光, 好舒服, 好寫意嘎感覺, 最緊要只有小貓2-3隻

懶洋洋嘎陽光+綠色植物+流水聲, 好和諧呀

哈哈, 我已經要好好坐下, 舒服下, 頭先系H&M買咗2件衫, 真係好開心, 終於有購物

呢個角度都好靚, 之後我地就去參觀咗冇樓梯嘎餐廳區域

真係幾過癮嘎, 喺旋轉斜坡上,

因為唔系食飯時間, 所以好寧靜, 都可以好好行下, 影下相

唔知點解, 都係覺得好邋遢, 好多細菌

之後, 我地無聊地返酒店, 準備今晚自助餐, 聽日仲有時間, 點hea, 哈哈

好難得旅遊竟然冇嘢行, 曼谷一定冇下次

嚟到Lobby等我地杯Welcome Drink, 周邊嘎人多數都係傾生意

都係系洲際被我噶感覺都系比較商務一d

之後出發去買手信, 途中終於今晚卑我影到呢棵大大嘎聖誕樹啦, 之前唔系太早未開燈就係太夜熄咗

嚟啦嚟啦, 要火力全開

多數唔夠膽好似系日本咁亂買, 怕中伏, 結果都係唔算多

日本唔同, 距個包裝都夠養眼, 未食已經滿足咗視覺, 加上好有想象力, 想打開距試下係咪咁好食

執咗少少行李之後就去食晚餐

呢餐自助晚餐係細佬用員工優惠book嘎, 一入去右手邊嘎頭盤幾吸引

攞好位置之後馬上行動, 其實呢度真係多數食客都係嚟傾生意或者係商人公幹嚟呢度住之後順便食

海鮮基本嘎都有, 不過冇生蠔冇麵包蟹冇龍蝦咯, so sad

泰式粉

不知名麻麻地雪糕

飯後水果， 甜品唔多， 而且非常一般， 可能食得好嘢多， 把嘴刁曬

反正失望地填飽個肚就走, 不過折咗之後都唔算平

之後返房hea下就休息