Livia's Secret Stage

呢一日天氣依舊好靚, 不過亦要同今次旅程講byebye

真心講, 呢次旅程嘎結束并唔覺得不捨, 依戀,

或者太多太多失望啦, 所以呢度有90%機會唔會返兜

行去食早餐, 本地人胃口好好, 日日神早流流就見到好多重口味嘎食物

油炸嘎氣味, 油炸嘎賣相, 真係我睇見就飽咗一半

嚟呢間叫 ON THE TABLE 係日本嘎海外分店, 唔清楚hk有冇

知道呢間嘢, 純粹係果日去做馬殺雞經過見到裝修幾舒服之餘又幾funny

因為好早, 又係閑日, 我哋幾乎係等距開門, 我哋揀咗係靠窗嘎角落, 可以望到曬成間店

墊枱嘎紙好靚咯, 蠟筆/木顏色畫嘎馬戲團

Teriyaki雞飯, 暫時係我試過最好食嘎

雞肉夠干,d汁又啱啱好依附係雞肉上面, 少少甜, 少少煎香咗嘎脆

配菜都好正, 唔會黏黏嘎太多水, 好食啦, 少少燒汁流落飯度, 撈埋一齊食真係冇得輸

細佬點嘎咩芝士餐就冇影相, 呢個pizza就唔掂啦, 真係飽咗都要不惜一切去食

唔似的hk咁一味靠厚, 其實薄先係最正宗, 睇見都想食, 好香脆, 芝士蘑菇洋蔥ham都好match, 絕配咁

之後就去買蛋糕, 冇錯係過江芝士蛋糕, 沖住香港冇得買而慕名去買, 價錢一d都平架,

買咗2個原味, 攞咗幾包乾冰, 應該冇問題, 安全到港嘎, 哈哈

藍色好靚地點都好好穩, 之後又步行一個站返酒店check out

沿途再經過四面佛, 真係一次都冇落去參觀嘎意欲, 哈哈

翻到hk機場發現多咗呢個聖誕裝飾, 聖誕嘎來臨就係一年嘎尾聲了, 快要2016了